1.500, 3.000, 10.000… бројот страници испечатени со еден тонер?

Колку страници може да се испечатат со еден тонер?

Едно од најчестите прашања при користење на ласерски принтер е: Колку страници може да се испечатат со еден тонер? Одговорот зависи од неколку фактори, како што се типот на документите, поставките за печатење и Вашиот стил на користење на принтерот.
Иако производителите наведуваат капацитет како на пример 1.500, 3.000 или дури 10.000 страници, овие бројки се пресметани според стандардот за покриеност на страница од 5%. Што значи ова?

Што значи 5% покриеност на страница?

5% покриеност на страница значи дека текстот или графиката што се печати покрива само 5% од целата површина на страницата. Ова е стандардниот начин на тестирање за капацитет. Во реалноста, ова обично значи краток текст, како едноставно писмо, извештај или документи со малку графики.
Меѓутоа, во вистинската употреба, кога печатите документи со повеќе текст, графики, фотографии или позадини, покриеноста на страницата ќе биде многу поголема. Ова значи дека ќе се користи многу повеќе боја и како резултат, тонерот ќе се потроши побрзо.

Зошто бројката не се софпаѓа со тоа што е наведено?

1. Покриеност на страницата:
Ако печатите страници со повеќе текст, табели или графики, ќе потрошите повеќе.
2. Печатење текст од слики (на пример, преку Viber):
Ова е честа практика, но при печатење на слики, често се печати и позадината на фотографијата (на пример, масата или сенките), што значително ја зголемува потрошувачката на тонер.
3. Грешки при обработка на документи:
Некои документи содржат невидливи елементи, позадини или графики кои го зголемуваат трошењето на касетата.
4. Режим на печатење:
Печатењето во High Quality режим троши повеќе црна боја отколку Draft (сетирање на софтверот во компјутерот) режимот.

Како да го минимизирате трошењето на тонерот?

1. Користете OCR софтвер за текст од слики:
Претворете ја сликата во текст пред печатење за да ја отстраните позадината и да го намалите непотребното трошење.
2. Исклучете ја опцијата за позадини:
Во поставките на принтерот, исклучете ја опцијата „Print Background Images“ (сетирање на софтверот во компјутерот).
3. Обработете ја сликата пред печатење:
Исечете ги непотребните делови, како сенки или предмети од позадината.
4. Користете правилен режим на печатење:
За документи што не се од големо значење, изберете Draft режимот.
5. Планирајте го печатењето:
Избегнувајте често вклучување на принтерот бидејќи секое вклучување троши мала количина од касетата за самочистење.


Што ако бројот на страни е сè уште помал?

Дури и ако печатите само текст, некои реални ситуации може значително да влијаат на трошењето на тонерот.
На пример: Документи со висока покриеност на тонер.
Неправилно поставени документи, како текст сликан со телефон или текст со слики што изгледаат едноставно, но имаат скриени графики.
Со оглед на тоа, иако наведениот капацитет на тонерот е добар показател, реалната употреба може да варира.

Заклучок

Иако ова можеби изгледа како сложен процес, со мали прилагодувања можете да го извлечете максимумот, и да ги намалите трошоците за печатење, додека сè уште добивате задоволителен квалитет.

Примери со поголема покриеност на страница:

(напишано, користејќи го искуството и експертизата на тимот на HP Store)